MUSICAPORUNTUBO

Hands Symphony

2010-04-16T10:22:00.002+02:00

Asa2musica

2010-02-06T19:34:00.002+01:00

Asa2música: Este é o título do blog que temos no blog da aula de música de Asados (Rianxo). O nome foi suxerido por unha das nenas que o ano pasado estaban na escola. Se queredes ver o moito e ben que traballaron os nenos e as nenas do CEIP Ana María Diéguez para o festival de Nadal, teredes que visitalo. Todas as actuacións estaban relacionadas coa chuvia.

Tic-Tac

2010-02-06T19:10:00.003+01:00

Xa hai unhas semanas que que quería mostrarvos o último traballo de Pablo Díaz, "Tic-Tac". Polo de agora, traballei dous temas cos nenos de Infantil e 1º Ciclo e 2º Ciclo, e están sendo un éxito!!. As ilustracións, persoalmente, gústanme moito!

De manivelas

2010-02-06T18:59:00.003+01:00

O ano pasado nun mercado de antigüedades, merquei o rolo dunha pianola do "Claro de Luna" de Beethoven, e estou agardando o momento para mostrarllo aos nenos na clase de música. Ademáis pensara en buscar algo como o mecanismo das caixas de música para facer máis completa a actividade. Creo que xa teño o complemento perfeto: Germán Díaz. Xuzgade vós mesmos.
Por certo, coma sempre, admítense suxerencias...

Así fan os bailadores

2009-12-11T22:56:00.008+01:00

Hoxe fun á presentación do "Así fan os bailadores", no Museo do Pobo Galego. Xa teño un exemplar nas miñas mans, e invítovos a todos a coñecelo. Preséntase como un libro+cd+dvd e ofrece un amplo e variado material con moitas posibilidades para empregar na aula.

Así fan os bailadores, "quere ser unha invitación ao singular e fascinante mundo do baile tradicional e popular galego".

-O traballo introdúcese cunhas recomendacións de uso e unha presentación e explicación dos cinematogramas.
"A cinematografía é un sistema descoñecido nesta terra, e hai entre nós aínda pouca xente capaz de descifralo(...) É un método de representación do movemento creado por Rudolf Laban a comezos do século XX.
Esta forma de escritura é hoxe en día a máis estendida por todo o mundo, e adáptase moi ben á especial linguaxe do movemento dos bailes e danzas tradicionais, sendo ferramenta cotiá na súa transcrición e estudo"

R. Laban e o seu sistema de escritura

- Os bailes que se amosan neste traballo, distribúense e clasifícanse en: bailes-xogo, Representación e Movemento, Agarrados, Danzas e Bailes soltos.

O libro consta de transcripcións musicais en partitura, diagramas e cinematogramas, fotografías, ilustracións e explicacións. No DVD pódense ver tódalas danzas realizadas por nenos e con músicos en directo. Inclúese tamén o CD coa música . Edita Dos Acordes

Unha volta polo medio,
outra polo arredor-e.
así fan os que ben bailan,
así fan os bailadores

Vaia dende aquí a máis sinceira NORABOA a Sergio de la Ossa, Xabier Iglesias, János Fügedi e Juan Parga, autores deste estupendo traballo.

Saúdos. Irene

"Contos e coplas de estrelas"

2009-11-20T19:01:00.004+01:00

Mañá sábado, 21 de novembro, a Delegación Institucional do CSIC en Galicia e a Universidade de Vigo coa colaboración da Radio Galega, farán a presentación dun proxecto moi orixinal. Co gallo da celebración do Ano Internacional da Astronomía “Contos e Coplas de Estrelas”, inclúe a tradución ao galego do libro de Rosa María Ros, "Cuentos de Estrellas"e inclusión dun conto galego. A este libro, acompáñalle a edición dun CD que recompila coplas tradicionais que fan referencia aos astros e ao cosmos. O grupo de música popular Adonairare de Vilaboa (Pontevedra), interpreta coplas, cantos de berce e cantos de reis típicos da cultura tradicional galega, recollidos previamente e clasificados por zonas xeográficas. O CD preséntase cun libreto coas letras das coplas e pequenas explicacións científicas a referencias astronómicas que se fan nas coplas Este proxecto engloba ciencia, literatura e música.
O acto de presentación terá lugar na Fundación Pedro Barrié de la Maza en VIgo, e consisitirá nun concerto de presentación do material. A entrada é libre ata completar o aforo.

NOTE FLIGHT. Editor online de partituras

2009-11-19T10:13:00.003+01:00

Noteflight é unha aplicación web para editar partituras. Isto significa que non precisamos instalar ningún programa no noso equipo. Así, en calquera lugar (con conexión a internet), podemos editar as nosas partituras de xeito moi sinxelo e completo. Ademáis, a esta aplicación súmaselle un carácter de "rede social",xa que podemos compartir as nosas partituras e tamén disfrutar das partituras dos demáis (se as fan públicas). O banco de partituras é bastante amplio, tendo en conta a curta vida da aplicación. Poden reproducirse directamente desde o navegador, publicarse online ou imprimirse en papel. Gracias ao código "embed", pódense insertar as partituras en blogs ou páxinas web.

Podes disfrutar de noteflight con só rexistrarte. A min, particularmente, pareceume moi interesante e novedoso.

DOBLE CONCERTO PARA FAGOT... e para rir un rato, tamén

2009-10-07T15:11:00.000+02:00

Festa dos axóuxeres

2009-10-01T10:40:00.003+02:00

Outro ano máis, vense de celebrar por diferentes cidades e vilas galegas, "A Festa dos axóuxeres". Para os que o vistes e tamén para os que non, tedes as letras e as músicas das cancións nesta páxina. Ademáis, atoparedes o material dos axóuxeres de anos pasados. Aínda que este espectáculo está pensado para bebés, dan moito xogo para as aulas de infantil, xa que se traballan colores, formas, medios de transporte...

Silbo Gomero, Patrimonio Intanxible da Humanidade

2009-09-30T21:46:00.003+02:00

Sempre me gustou asubiar... e cando era cativa todos me dicían que parecía un home, vaia, que asubiar era cousa do xénero masculino!!,pero nunca puiden resistirme a asubiar e tampouco a escoitar aos bos asubiadores. Hoxe foi declarado Patrimonio da Humanidade o "Silbo Gomero", singular linguaxe coa que se comunican os habitantes da Illa da Gomera.
Hoxe quedei gratamente sorprendida cando escoitei que os nenos desta illa aprenden o "Silbo" na escola. A corporación insular está a realizar importantes esforzos para a difusión do silbo mediante o proxecto denominado "Procesamiento Cognitivo e Representación Cortical do Silbo Gomero", en colaboración coa Universidade da Laguna, e que que ten como obxectivo o coñecemento científico do silbo.
O silbo Gomero formou parte dunha obra sinfónica gracias a un encargo do Cabildo da Gomera a compositora Laura Vega

SILVESTRISMO

2009-06-29T22:41:00.004+02:00

Totalmente alucinada quedei cando vin, case sen querer un programiña da TVG, "Couto Vivo" (13-6-2009), no que se lle adicaba un espacio ao Campionato Autonómico de Silvestrismo celebrado en Narón. O silvestrismo consiste basicamente en capturar, seleccionar, educar o canto, hibridar e finalmente concursar con paxaros. Está considerada coma unha arte ancestral de cría e coidados en cautividade de paxaros de campo. Todos estes elementos, dentro duns límites marcados pola normativa en cuestión de vedas, especies... Pero o que máis impresionada me deixou foi a existencia dun código específico para o recoñecemento dos cantos, e un sistema de puntuación para estes. Podedes velos perfectamente no programa da TVG. Unha vez feito este descubrimento, púxenme a investigar sobre o tema. Os aficionados ao silvestrismo comparten arquivos en mp3 coas diferentes cantadas, co fin de conseguir adestrar aos seus paxaros.

Facendo memoria, veume inmediatamente á cabeza Olivier Messiaen, quen compuxo música escoitando e transcribindo o canto dos paxaros, que tanto lle fascinaban. "Réveil des oiseaux" , "Catalogue des oiseaux", "Oiseaux exotiques" , "L'abîme d'oiseaux", "Dawn chorus", "Fauvette des jardins", son obras de Messiaen inspiradas no canto de paxaros do mundo.

Despois, conversando con Óscar, nun momento deses de fervedura mental, propúxome algunha obra máis relacionada co tema, e que eu non coñecía, como por exemplo, ésta de Clement Janequin

Como curiosidade, non deixedes de coñecela. Ave Lira

Trasladando todo isto á aula de música, poderiamos seleccionar multitude de actividades nas que incluír reclamos, construcción de instrumentos, etc... ocórrenseme moitas cousas que facer , pero seguro que vós podedes aportar máis, así que vos invito a que as compartades!

APOI

2009-06-29T22:21:00.003+02:00

Hai un pouquiños días que ven de presentarse o APOI, Arquivo do Patrimonio Oral da Identidade, no Museo do Pobo Galego. As primeiras aportacións, proceden da man de Baldomero Iglesias (Mero) e Xosé Luís Rivas (Mini). Eles consideran esta cesión ( 600 cintas magnetofónicas), como un feito no que farán regresar estas gravacións ao pobo do que saíron. Este é, sen dúbida, un grande xesto de xenerosidade pola súa parte.

A páxina web do APOI promete ser unha ferramenta valiosa. Persegue os seguintes obxectivos:

1. Dixitalización dos materiais orixinais cedidos polos compiladores; os orixinais e unha copia dixitalizada devólvense aos seus propietarios.
2. Edición das gravacións.
3. Transcrición dos materiais musicais.
4. Confección do arquivo sonoro. Creación da base de datos referencial e documental anexa aos rexistros de son.

No arquivo sonoro poderemos buscar obras a partires da temática, informante, compilador, íncipit melódico, escalas, instrumentos, tipo de copla, tipo de refrán...

O Arquivo do Patrimonio Oral da Identidade (APOI) xorde como consecuencia da evolución do proxecto Sons e Voces da Identidade, o programa de dixitalización, catalogación, estudo e difusión do patrimonio inmaterial que o Instituto de Estudos das Identidades do Museo do Pobo Galego pon a andar en abril de 2007. Un arquivo destas características, público e accesible desde calquera lugar do mundo e que dá conta da autoría das achegas que se incorporan, pasará desde o Museo a ser un arquivo do pobo galego que teña a ben participar nel. Estamos fronte a un intento de que a obra dunha institución poida vivir e medrar por si mesma, porque a fagan medrar os seus usuarios, mais aló de onde ela mesma podería chegar, e darlle con iso á propia institución o maior dos pagos, o de facer o país polo que ten sentido que exista.

A máis sinceira noraboa por este proxecto, gracias por compartilo, e ánimo a todos aqueles que posúen deste valioso material e poidan, nun futuro achegárnolo a todos.

2009-05-16T00:50:00.002+02:00

Desculpade...estou actualizando a plantilla e faltan moitas cousas que irei repoñendo...outras cambiarán. Espero que os cambios sexan para mellor.

Un selo violeta!!

2009-05-11T21:56:00.006+02:00

Musicaporuntubo está de festa porque ten a honra de recibir un premio importante. O SELO VIOLETA. Este premio concedeumo un blog moi especial: "Castelo de Aldara", e fíxome unha ilusión tremenda.

E mentras escribía este post, xusto mentres o escribía, chegoume outro selo violeta... guau!!!! esta vez, do "Mundo de Bernal", que me parece o blog máis simpático da globosfera!!

Vou a aceptar o premio con moitísima alegría, pero para iso terei que cumprir unha serie de requisitos:
- Exhibir o Selo Violeta no blogue xunto coas regras.
- Indicar cantos blogues consideramos que merecen este selo.
- Avisárllelo aos blogues indicados.
- Escribir dous poderes máxicos que imaxinamos ter.
Vou concederlle este premio a:
"Facemos música"

E non sei se as normas o permiten, pero encantaríame mandarlle o selo ao Castelo de Aldara e ao Mundo de Bernal

Gustaríame ter estes dous poderes máxicos:
- Viaxar no tempo.
- Ter unha variña máxica que limpe toda a casa por min.

13 lúas

2009-05-01T21:04:00.003+02:00

Primeiro foi O quiquiriquí, despois Pelo Gato 24.
Veño de pasear nun día ben bonito, e tamén de dárlle unha ollada á Feira do Libro de Santiago. Hoxe é primeiro de maio e sempre lembro o ben que o pasaba eu cantando coas nenas no "Maio da Bruxa". Casualmente, o día de hoxe merquei 13 Lúas. É o novo traballo da Asociación de Gaiteiros Galegos. Este proxecto, trátase novamente dun CD-DVD, onde se atopan cancións adicadas ao ciclo do ano. Moito máis non podo contar porque nin o escoitei enteiro... só o tempo que me levou chegar á casa no coche, así que xa me comentaredes o que vos parece.
Un saúdo

Musicontos. Real Filharmonía de Galicia

2009-04-26T00:27:00.005+02:00

Nótase que hoxe tocou sesión librería... e atopei algunhas cousas novas que non coñecía, e unha delas é esta colección que xa está en marcha. Musicontos. Editada por Galaxia

A editorial inicia unha nova colección, Árbore Musicontos, nun ambicioso proxecto nacido da colaboración coa Real Filharmonía de Galicia quen puxo o marco musical.
Literatura e música danse a man neste musiconto (libro+CD), de tal xeito que o lector-oínte gozará dunha experiencia estética a varios niveis: o pracer dun conto
ben escrito, o pracer dun conto ben narrado, e o pracer da música, que actúa coma un soporte perfecto para toda a historia.

Polo de agora podemos atopar:

O debut de Martino Porconi
Neira Cruz, Xosé Antonio

O prodixio dos zapatos de cristal
Neira Cruz, Xosé Antonio

Un bico de amor e vida
Neira Cruz, Xosé Antonio

O blog de Mamá Cabra

2009-04-26T00:19:00.002+02:00

O que non sabía era que Mamá Cabra ten un blog... deixo a enlace, non esquezades visitalo porque aquí atoparedes cousiñas que non están na súa páxina

Todos os animais ó caixón. Mamá cabra e Susa Herrera

2009-04-25T23:47:00.005+02:00

Primeiro foi "cartas que veñen e van", e agora "Todos os animais ó caixón". Mamá cabra e Susa Herrera veñen de presentar esta semana o seu novo proxecto. Nesta ocasión, Susa Herrera fixo as cancións sobre os contos "Cu-cú sorpresa" de Combel. Todos estes contos, que por certo, son desplegables, teñen un animal como protagonista, e cada páxina, correspóndose cunha estrofa da canción. Pode atoparse en galego e en castelán. Os contos só están en castelán. Publica a editorial coruñesa Primera Persoa.
Podedes ver xa algúns videos uqe están colgados na rede.

Ilustración e música

2009-04-23T15:02:00.007+02:00

Unha das cousas que máis me gusta ao navegar por internet, é visitar sitios sobre ilustración. Claro que, presto especial atención cando as imaxes teñen que ver coa música. Xa en entradas anteriores acheguei algunhas relacións da música con outras artes, especialmente coa pintura e a foto.
Quero mostrarvos a fermosura dalgunhas das obras de Leandro Lamas.

Un merecido Pedrón de Ouro

2009-04-21T12:01:00.003+02:00

Despois de moitos anos traballando e percorrendo a xeografía galega para recuperar o patrimonio oral de Galicia, Mini e Mero, reciben un merecido recoñecemento: O Pedrón de Ouro. Entregaráselle o premio o día 24 de maio, nun acto que terá lugar na Casa de Rosalía en Padrón.
Dende musicaporuntubo, unha especial noraboa, non só polo premio, senón por toda a súa traxectoria.

Señor Mundo, dígame?

2009-04-14T18:52:00.004+02:00

Tiven o gusto de participar neste proxecto compoñendo a súa música, así que déixovos unha referencia para que o poidades ir ver se vos apetece. Está recomendado para nen@s de 2-6 anos, mais eu creo que pode gustarvos a todos.

Señor Mundo, dígame? É un recital de poesía a partires de dous poemas que Paula Carballeira regalou a A Factoría Teatro. Son 50 minutos á procura da palabra, un recital tolo de poesía, de poesía sonora, de poesía visual… un regalo de sensacións para os sentidos.
Eleximos a poesía porque ten sonoridade, ritmo e porque podemos deconstruíla e inventala, podemos xogar con ela. A música para crear ambientes e sonoridades que nos transporten á natureza:, polos seus catro elementos: Terra, Aire, Auga e Lume.

a factoria teatro
Comeza a súa andaina na primaveira de 1992. Nace pola necesidade dos seus compoñentes de crear un espacio de difusión e potenciación da creación teatral contemporánea dentro dun traballo de investigación no mundo artístico e pedagóxico. Así oito anos mais tarde, inaugura o asesoramento pedagóxico no departamento de teatro dentro da A Artística teatro e danza ,xestionado por A Factoria Teatro e Disque Danza un espacio adicado ao fomento das artes escénicas, en especial ó teatro e á danza contemporáneas, sito en Vigo. A Parties do 2006 colabora directamente con Disque Danza na producción, e comeza un traballo de investigación con artistas de varias disciplinas, videocrecion, plásticos, vestiario, música, danza…como Xoan Anleo, Andrea Costas, La Canalla, Olga Cameselle, Xesús Valle, Ughia Pedreira....

Os nosos vixiantes visitan :
A Coruña os dias 28 e 29 de Marzo no Teatro do Andamio
En Santiago os día 19 de Abril en Arteria Noroeste
En Vigo o 17 de Maio no Verbum

calendario 09

2009-01-15T14:29:00.002+01:00

Coma tódolos anos, a páxina musick8 ofrécenos o calendario do ano 2009, en formato PDF. Disfrutádeo e sacádelle partido!!

cantosencantos...contosencantos

2008-12-10T22:35:00.003+01:00

Hoxe regaláronme o libro-cd-dvd da editorial OQO, "Contos en cantos" de Almudena Janeiro. En principio, esta entrada ía destinada a que coñecesedes esta nova publicación. Trátase de cancións sobre os contos desta editorial. No libro atópanse as letras coas ilustracións dos contos. O DVD contén todas estas cancións en Karaoke. Penso que pode ser moi útil, sobre todo para as clases de educación infantil. Se traballamos o conto antes, marabilloso...

Comecei a buscar algo máis de información sobre este traballo, cando gracias a un erro, fixen UN GRANDE DESCUBRIMENTO!!!!, "cantosencantos", é unha páxina na que atoparedes infinidade de recursos, e o máis interesante é que podemos descargar moitísimas cousas dun xeito ben rápido e sinxelo. Botei un vistaciño aos recursos de Nadal... UFFFFFF.... unha barbaridade de músicas de moitos países que podedes descargar. é un pouco tarde se queredes empregar este material para este Nadal, pero bueno, para outros anos... Disfrutade da páxina!!

Escoitar

2008-11-19T18:17:00.003+01:00

Últimamente atopo cousas ben bonitas... ésta é unha delas! A páxina http://www.escoitar.org/ preséntasenos como un mapa interactivo no que podemos achegarnos a diferentes lugares e escoitar sons do máis diverso. Escoitar.org defínese así:

Unha aproximación ao son dun lugar é unha aproximación ao seu patrimonio. Percibir, comprender e concibir a nosa identidade sonora, a dos nosos lugares e as nosas xentes, a súa coherencia e idiosincrasia, é un exercicio necesario e saudable. Escoitar.org é un proxecto de dinamización social aberto e libre cuxo obxectivo principal é a difusión e promoción do fenómeno sonoro e a súa exploración con fins sociais e documentais. Podes participar engadindo as tuas gravacións.

Orella Pendella

2008-11-18T22:25:00.006+01:00

Case dun xeito accidental, buscando uns versos que lembraba a medias... atopei esta estupenda páxina. A min paréceme xenial, ao mellor porque a literatura popular infantil, e en especial a lírica popular para nenos, de nenos e sobre nenos... gústame moito, sobre todo para empregar na aula de música. Creo que é esencial traballar con ela na etapa infantil e nos primeiros anos da primaria, aínda que os maiores tamén lle saquen proveito. Nunha entrada anterior de musicaporuntubo sobre a lírica popular infantil, comentabamos algúns libriños interesantes sobre o tema, pero ... Ao que iamos... Orella Pendella é unha páxina na que atoparedes ditos, recitados e cancións infantís, clasificados por temas, e o que é máis interesante, está aberta a todo tipo de comentarios e colaboracións, facendo posible que esta fonte de recursos vaia crecendo. Noraboa polo traballo.

Educaldea

2008-11-13T10:51:00.004+01:00

"Educaldea é un proxecto de educación activa, criado por docentes do C.E.P Brea Segade de Taragoña, Rianxo, que pretende dar ás nosas crianzas ferramentas de traballo alén das aulas, fortalecendo valores que consideramos básicos na formación de calquera persoa: así, potenciamos o ecoloxismo, a defensa do patrimonio material e inmaterial, a imaxinación e o respecto e amor polo pobo e as súas xentes"

Ademáis de visitar esta interesante páxina onde podedes ver o traballo desenvolvido dende este centro, recoméndovos que botedes unha ollada ao traballo discográfico que recentemente se realizou " Son de Rianxo". Máis de sesenta gaiteiros novos do concello de Rianxo, facendo a música que lle aprenderon aos vellos mestres.
No apartado de unidades didácticas, podedes atopar unha guía con información adicional e outras actividades relacionadas co CD "Son de Rianxo", así coma outras unidades sobre música e outras materias.

FACEMOS MÚSICA

2008-10-20T15:09:00.003+02:00

Que alegría me da!! Este novo blog, FACEMOS MÚSICA que acaba de nacer, será, seguro, moi interesante. Dígoo porque Laura é unha estupendísima mestra (integrante da Banda de música de Visantoña,8º membro desa fabulosa familia "Pazos Pintor", e agora tamén saxofonista no seu grupo Tromentelos Chispum) que de seguro amosará cousas ben bonitas. Creo que está pensado para ser un blog de aula, así que será marabilloso poder coñecer e compartir as súas experiencias. Algún día, musicaporuntubo debería facer un blog de aula, pero como isto comezou sendo unha idea de un colectivo..., déixoo aí, por se vos animades.
E voltando ao de antes, moitas noraboas por animarte, Laura.

Yoshihiro Kawasaki. Acqua-scape.

2008-10-20T10:44:00.002+02:00

O xaponés Yoshihiro Kawasaki, inxeñeiro de son e creador sonoro especializado en proxectos para Internet relacionados con grabacións ambientais de entornos urbanos e rurais, como SoundBum, reúne esta vez co seu último proxecto, Acqua-Scape os sons de auga de distintos lugares do mundo. Pódese o estanque de Sanshiro na Universidade de Tokio, que recolle as augas pluviais da capital; el Suikin-kutsu, do templo de Shokokuji en Kyoto; e unha fonte da ciudade de Mumbai (India).

AULA-BLOGUE

2008-10-16T19:30:00.005+02:00

Este blog de María, unha mestra de Educación Infantil do colexio Emilia Pardo Bazán da Coruña, foi para min un descubrimento. Ademáis da súa calidade, case podo palpar dende aquí, cómo é a súa aula cada día. As nubes viaxeiras son un exemplo do que podemos facer cos alumnos, as novas tecnoloxías, a danza e a música...un punto de vista ben diferente ao que acostumamos a ver, esta vez se cadra moito máis próximo á realidade dos nenos.

Accuradio

2008-10-15T19:43:00.002+02:00

Accuradio, marabillosa páxina na que poderedes escoitar aquilo que vos pete, do estilo que queirades. Realmente é unha radio, na que só tedes que rexistrarvos para podela usar. Rock, Pop, Jazz,Clásica, Country, Reggae, música do mundo... No momento no que
esteades escoitando aparece na pantalla unha ficha na que tedes toda a información do que sona. No caso da música clásica, as versións son todo un luxo,e creo que é un xeito diferente de achegarse á música que non coñecemos.

Saúdos, e mil perdóns por ter o blog tan descoidado...

Para cantar e bailar

2008-07-30T22:13:00.005+02:00

Achégovos " Para cantar e bailar", unha recompilación de vinteseis danzas e xogos para pequenos (e tamén para adultos) , feita por Luis Prego. O formato é de libro-disco, cun Cd coa música e video das danzas. Son destacables as ilustracións de Serxio Cobos, que facilitan moito a aprendixaxe das danzas. Está editado por Edicións do Cumio. Ademáis, estas ilustracións mostran moita sensibilidade, xa que se percibe perfectamente a colocación, a postura, incluso os estados de ánimo, relación entre os bailarines, etc. Sen dúbida, un material que aporta moitos recursos para empregar na aula de música.
Se visitades esta páxina de "cultura galega.org", tedes máis información e incluso algunhas páxinas interiores deste libro disco.

mixwit

2008-06-17T00:56:00.002+02:00

Fixádevos que reproductor tan chulo!! MIXWIT ofrécenos a posibilidade de confeccionar o noso propio reproductor, coa lista de reproducción que queiramos. Como non tiña tempo para facer o meu propio, pequei un do requiem de Mozart para probar se funcionaba... e a verdade é que queda ben bonito. Cando atope un pouco de tempo farei unha selección demúsica para repreducir neste casette tan retro.

vegetableorchestra

2008-06-16T23:34:00.008+02:00

Despois de coñecer isto... ( a través de práctica instrumental), a verdade é que non sei se poderá ser superado, dígoo polo o da orixinalidade. Ademáis, non se queda en algo anecdótico. Vegetableorchestra ten a súa propia páxina web, varios discos..., vamos que fan as cousas en serio. Como exemplo para que vexades esta orquestra unicamente composta por vexetais, achégovos unhas fotografías, videos e enlaces á súa páxina web. Non podedes perdelo.

Video dun concerto en directo cunha pequena introducción sobre a construcción dos instrumentos.

Hiparcos

2008-05-30T20:04:00.002+02:00

A través de edugaliza atopei esta páxina, Hiparcos, na que podedes realizar actividades directamente na clase. Hai actividades JClic de música e tamén doutras materias.

luis pescetti

2008-05-12T18:02:00.002+02:00

Para os que non coñezades a Luis Pescetti, por favor, visitade a súa páxina ( chea de cancións, letras, mp3, chistes, adiviñas...) ou buscade en youtube algún dos seus videos. É realmente divertido e pode aportar moitas ideas para a aula de música.

Outra vez a publicidade

2008-02-05T12:50:00.000+01:00

Parece que está de moda... despois do Honda civic... Dando unha volta por Aula de Música e Nos vemos en el blog, atopei unha versión máis longa do anuncio do Focus, e tamén outro moi interesante, con botellas como protagonistas.

Música: "Ode to a Ford".Craig Richey.
Imaxes da rodaxe

Visitar a páxina de ford focus aquí, relacionada co anuncio. Teñen un divertido mezclador coa música e os instrumentos do anuncio, moi útil para empregar na aula. Pódense escoitar cada un dos instrumentos por separado e ir xogando con eles, mesturando como queiramos, ademáis de aparecer a melodía fragmentada por frases.

Calendario 07-08, dos compositores

2008-02-05T12:39:00.000+01:00

Achégovos o calendario da páxina musick8, moi divertido para descargar e ter na aula, coas datas de nacemento dos compositores, e outros datos.

Pelo Gato 24

2008-02-03T12:19:00.000+01:00

A Asociación de Gaiteiros Galegos, impulsa un novo traballo despois do "Quiquiriquí". Pelo Gato 24 é un documento audiovisual dirixido especialmente aos alumnos da Educación Primaria onde se atopan cantigas e xogos baseados na tradición.
Pelo Gato 24 está realizado polos estudios de gravación Casa de Tolos e Mr Misto e editado por PAI Música, e conta con colaboracións como Sonia Lebedinsky (Fía na roca), Xabier Díaz, Leilía, Paulo Nogueira e César Longa (Treixadura), Señora Carmen (Malvela) ou Pancho Alvarez. En pelo gato atoparedes mostras de video e de audio.
Éste é sen dúbida un bo material para traballar nas nosas aulas.

Video promocional de Pelo Gato 24.

zamzar

2007-11-13T22:54:00.000+01:00

Acabo de descubrir unha páxina moi útil para cambiar de formato todo tipo de arquivos.Chámase ZAMZAR Probeina, e funciona. Podedes cambiar arquivos de imaxe, texto, audio e video a moitos formatos diferentes. Nin sequera pide rexistrarse. Mandan un mail á vosa conta de correo co arquivo cambiado de formato. A verdade é que é estupendo para non encher os nosos aparatos de programas...
Us saudiño a todos

Mesturando e xogando con sons

2007-11-04T15:20:00.000+01:00

Dentro da páxina Exploratorium, atoparás unhas actividades moi entretidas para, sobre todo, traballar a educación auditiva.

Kitchen Sink-o-pation: preséntase como unha cociña na que podes ir acendendo diferentes obxectos ( propios da cociña, instrumentos, obxectos surrealistas...), e producir un ambiente sonoro peculiar e ao teu gusto.

Step Re-Mix: Podes mesturar diferentes esquemas de percusión corporal.

DotMixer: Podes mesturar diferentes bubles de instrumentos, estilos...

Nesta mesma liña. podemos atopar diferentes actividadesna páxina http://www.pulsethemovie.com/, nas que podes xogar mesturando e facendo divertidos exercicios de memoria auditivo, experimentando con sons... a verdade é uqe a páxina non ten desperdicio

Nunha das primeiras entradas deste blog, presentaba xa outras actividades moi parecidas ás anteriores, por se non lembrades...:

http://www.bbc.co.uk/schools/digger/9_11entry/flash/musicmixer.shtml

http://www.bbc.co.uk/northernireland/schools/4_11/music/mm/rhythm01.shtml

http://pbskids.org/mayaandmiguel/espanol/games/globalgroovin/game.html

STOMP

2007-11-04T13:34:00.000+01:00

Hai hoxe unha semana, tiven a oportunidade de ir ver, por fin, ao meu admirado grupo, STOMP. Non me defraudaron, e fixéronme lembrar os bos momentos que paso cos nenos cada vez que fago unha actividade sobre eles. Se non os coñeciades, podedes consultar a súa páxina, na que ademáis teñen unha guía didáctica.

A compañía leva 15 anos de andadura. Creouse en Brighton, Reino Unido, en 1991. Luke Cresswell e Steve McNicholas, os fundadores, eran un grupo de animadores de rúa, coñecidos como "Buskers" que intentaban chamar a atención aos viandantes. O "busking" é unha tradición antigua en Inglaterra que ten a súa orixe nos teatros que se montaban nos mercados das aldeas na Idade Media. Luke e Steve actualizaron esta tradición e crearon unha simbiose moderna entre o movemento e a música.
STOMP, é unha combinación única e xenial de percusión, movemento e comedia visual que atopa beleza e música nos utensilios que nos rodea. Todo, - botas, cubos do lixo, chisqueiros, bombas de fontanerías... De feito, aínda que moita xente non o sabe, STOMP son los verdaderos pioneiros destee xénero híbrido de danza e percusión escénica, que consiste en converter en auténtico arte, o son e movemento de obxectos cotiáns.

Neste seguinte video podedes observar a súa labor didáctica nunha visita de dous dos membros da compañía a unha escola primaria de Brighton.

Música de cine

2007-10-27T12:35:00.000+02:00

Interesante blog chamado " Audición y Apreciación Musical", onde atoparedes videos, referencias, comentarios sobre a música no cine, bandas sonoras..., ademáis dunha chea de enlaces que pagan moito a pena.

O poder de Chaplin

2007-10-27T12:03:00.000+02:00

Isto é o que eu chamaría un divertido "musicovideograma". A verdade é que non podemos desaproveitar as oportunidades que a imaxe nos dá para facer máis visual a música. Aquí poño dous exemplos, co mesmo protagonista, Charles Chaplin, e a mesma película, "El Gran Dictador". Sen embargo, son dous videos nos que se poden traballar cousas ben diferentes.
Podemos propoñer unha actividade para a aula de música.
O PRIMEIRO: "EL Gran Dictador". Un cliente aterrorizado será afeitao ao ritmo da danza húngara nº 5 de J. Brahms.
Conceptos para traballar: a radio, Brahms, as danzas..., dramatización na aula...

O SEGUNDO: El Gran Dictador. Preludio del Acto I de 'Lohengrin', de R. Wagner. A actividade proposta sería de movemento, con pelotas, ou pompas, coordinando movementos lentos no espacio. De xeito individual ou en parellas, traballar antes auditivamente. Máis tarde, poñemos o video.

Estas son simples propostas para comezar unha actividades, despois, cadaquén que as desenvolva á súa maneira.

Vertedero sonoro

2007-10-04T19:19:00.000+02:00

O meu afán de ser formiguiña, xa que vou recolectando material, fotocopiando, baixando..., pero non sempre usando... Bueno, que esta páxina é marabillosa para facerse un arquivo de plantillas para a construcción de instrumentos a partir de materiais de desfeito. Intentarei baixalas todas e mandalas ao correo, pero para que vós collades o que vos apeteza,tedes todo na páxina de "Vertedero sonoro", moi ben explicadiño e clasificado.
Un saudiño, Ire

"De quien es la canción"

2007-09-30T14:34:00.000+02:00

O outro día, mentras lía unha revista, escoitábase de fondo, na televisión, algo de Chopin.Resultábame máis que raro escoitar iso en publicidade, tanto tempo, tan lento... levantei os ollos e quedei sorprendida co anuncio. Non daba localizado qué obra era, así que busquei en Google. Atopei rapidamente a resposta nun blog,curioso e orixinal: "DE QUIEN ES LA CANCIÓN". Podedes pasar un bo rato, lendo cousiñas interesantes sobre a música que escoitamos cando vemos a tele. Déixovos o enlace do anuncio de Halo 3, con música de Chopin, o preludio n. 15, en re bemol maior. Xa estou pensando de qué xeito llo ensinarei aos rapaces.
Un saúdo. Ire.

TRES VIDEOS.

2007-09-09T20:41:00.000+02:00

Nun dos enlaces a páxinas sobre música, "Aula de música", atopei seguidiños estes videos tan divertidos. Disfrutádeos.Non deixedes de visitar este blog, Aula de música, está interesante.

Hermeto Pascoal - Música da Lagoa

Arto Tuncboyaciyan - coke bottle

Ethan Winer - 37 Cello Parts

Cplipart

2007-09-06T19:06:00.000+02:00

Un enlace AQUÍ para que aproveitedes estas divertidas imaxes de instrumentos no deseño de actividades.Por certo, que teñades todos un bo comezo de cursos.
UN saúdo, Ire.

Xogos do mundo

2007-07-31T19:51:00.001+02:00

Interesante páxina onde atoparedes multitude de xogos que podedes aplicar nas aulas.
Ir a JOCS DEL MON

Carolina/"b vocal"/a capella

2007-06-21T18:31:00.000+02:00

O principio, especialmente adicado a Óscar, pero o tema... evidentemante, a LA Carola.

Saúdos. Ire

Pentagramas e paxaros

2007-05-28T01:11:00.000+02:00

CHEMA MADOZ E A MÚSICA

2007-05-25T22:34:00.000+02:00

Se recordades, na entrada de música e pintura, facíanse diferentes alusións á relación entre a música e aimaxe.Gustaríame insistir na figura de Chema Madoz, e mostrarvos algunhas das súas fotografías.

Ire.

ARTISTA REVELACION

2007-05-18T12:50:00.000+02:00

Chámase Cleopatra Stratan, é rumana e só ten catro anos. O seu pai é músico e está nominada aos premios mtv.

THE CAT CONCERT

2007-05-12T17:05:00.000+02:00

DIVERTIDOS

2007-05-12T16:32:00.000+02:00

Se son capaz de colgar videos, vai ser fantástico!!

(La Traviata. Verdi. Choeur des Bohémiens).

Sesame Street - orange sings Carmen.

Saúdos. Ire

2007-05-12T15:40:00.000+02:00

Recordades os CABALOS CANTORES?
POis agora podedes facer clic neste grupo tan divertido

Video didáctico. O Oído.

2007-05-06T03:12:00.000+02:00

No blog " Educación musical" Móstrannos un video da estructura do oído que ben pode empregarse nas aulas de música. Atópase nunha páxina de Puleva, que a verdade, non está nada mal. A través desta páxina poden verse outros videos didácticos relacionados coa saúde, sobre todo aproveitables para a materia de coñecemento do medio. Disfrutádeos.

GS21

2007-05-05T01:34:00.000+02:00

"GS21 naceu como compañía de baile e música en abril de 2005 por iniciativa dun grupo de bailadores e músicos pertencentes, na súa maioría, aos grupos de baile tradicional. Este grupo entende que o baile tradicional galego, lonxe de ser algo do pasado é atemporal; é pasado, é presente, e é futuro. GS21 emprega os infinitos recursos, tanto musicais como dancísticos, propios da tradición galega, dándolles unha nova lectura, un novo punto de vista dende onde se busca provocar unha sensación no espectador, sen deixaren de ser respectuosos cos recursos, tanto na música coma no baile galego como arte, como creación en si mesmo. Divertir, divertirse; emocionar, emocionarse." (http://www.compostelacultura.org/musica/axendad.php?id_e=4188&lg=gal)

Sobre todo gustaríame recomendarvos a súa páxina web. Visitádea aquí

OPERACIÓN CAN

2007-05-05T01:22:00.000+02:00

O prazo de entrega de cancións para este proxecto, remata o luns, así que aviso un pouco tarde, máis podedes escoitalas, buscar algún nome coñecido dalgún profe..., facer porras... O proxecto é verdadeiramente fermoso. Fágovos un enlace á súa páxina

Retorno

2007-05-05T01:18:00.001+02:00

Ola a todos!!! Por fin chegou o internet á miña nova casa despois de estar chamando e chamando a telefónica. Así que espero actualizar o blog máis a miúdo.
Un saúdo a todos

Proyecto Primartis

2007-02-04T11:12:00.000+01:00

Déixovos únha interesante ligazón a un traballo que podedes atopar na páxina do MEC. Chámase Proyecto Primartis e tedes chamativas actividades para a Educación Plástica e a Educación Musical na Educación Primaria. Alguén sabe como podo descargalo??
Un saúdo. Ire.

Concertos escolares de caixanova

2007-02-04T11:00:00.000+01:00

Na páxina web de Caixanova tedes algunhas guías didácticas:
- As formas na música.
-Escenas musicais.
- Música popular. (Gaiteitos da Xistra)

É moi interesante o traballo dos Gaiteiros da Xistra e sobre todo, ter a posibilidade de ter o material en soporte dixital. Outra posibilidade que nos ofrece a páxina é a de descargar os audios das músicas dos concertos en formato comprimido.
Ademáis de actividades musicais, contades tamén con outras de teatro, cine e medio ambiente.
Un saúdo. Ire.

Kókinos- didier

2007-01-06T14:32:00.000+01:00

Este Nadal tiven que facer un regalo moi especial. Teño unha nova primiña que naceu en Ghana, así que creo que un bo surtido de cantares de berce sería un bo agasallo. O problema é que a maioría dos discos que hai no mercado... bueno... non me gustaron nada. Pero atopei unhas auténticas preciosidades na editorial Kókinos. Son libros-disco ( un pouco caros...), pero a ocasión pagaba a pena. Esta editorial que ten como distribuidor a Kalandraka, ten ao seu semellante traducido en francés, Didier . Na páxina da editorial francesa podedes escoitar pequenos fragmentos dalgúns temas. Recomendo as nanas do Baobab ( África) e as cancioncillas desde o Edén (cancións judías, hebreas, judeo-españolas...)
Un saúdo.
ire.

Novos discos

2006-12-28T15:39:00.000+01:00

Parece que estas datas de Nadal están a ser moi productivas en canto o que se refire aos discos adicados aos máis pequenos. Déixovos aquí un pouquiño de información sobre estes dous novos traballos.

QUIQUIRIQUÍ
Podedes acceder á páxona deste proxecto se ides aquí

A Asociación de Gaiteiros Galegos e mailos estudios Casa de Tolos asocianse para facer un documento audiovisual onde se reflexen diferentes aspectos culturais, tradicionais e antropolóxicos do Nadal en Galicia. Este traballo terá un claro interese docente e estará dirixido principalmente a alumnos do ensino primario.Este traballo consta dun libro, xunto cun CD e un DVD. O libro, de 64 páxinas ten fotos e textos que documentan os diferentes movementos culturais e tradicionais do Nadal en Galicia. O CD conta con 12 cancións tradicionais e de recente composición e serán interpretadas por músicos e artistas do actual panorama musical galego. O CD ten ademáis unha pista interactiva en HTML con información imprimible (letras, partituras, documentación extra...) e xogos instructivos musicais en Flash (animación informática). O DVD inclue á MAKING OF (ou ?como se fixo...?), un documental, e un video clip promocional. A imaxen preséntase en formato panorámico 16:9 e son envolvente (5.1).
(xornal.com)

CARTAS QUE VEÑEN E VAN

Cartas que veñen e van, un proxecto que integra a aprendizaxe e o ensino de todas as linguaxes cos contidos da educación infantil e do primeiro ciclo da primaria: animais domésticos e salvaxes, as cores, os contrarios, as partes do corpo, psicomotricidade, ritmos, sons??

Cartas que veñen e van xunta unha serie de cartas que propoñen magníficas actividades para desenrrolar nas aulas e nos traballos colectivos, sen esquecer nunca a ilusión de recibir unha carta inesperada. Así, o poliño Pepe (no galiñeiro da casa grande, Estrada do Campo da Feria, en Rábade), a vaca Sofía que tanto ama a música (nas cortes de estabulación libre, na Serra de Outes), e moitos máis, reciben unha simpática misiva cunha canción exclusiva para cada un deles, e varias propostas de xogos e actividades que nos ensinan a aprender dun xeito divertido.
Unha posta en escena de excelente calidade que Susa Herrera agradece no propio texto a Asociación Pedagóxico- Musical Soutullo (xérmolo do mesmo), e a Mamá Cabra polo seu entusiasmo e colaboración?

Doble guitarra

2006-10-16T11:53:00.000+02:00

Un virtuoso da guitarra, demóstranos as posibilidades dunha guitarra con doble mastro. Descargádeo AQUÍ

Reciclando botellas

2006-10-15T16:27:00.000+02:00

Sinto que a calidade do video sexa bastante mala, pero merece a pena velo, asegúrovolo. Un patinador tocando botellas, perfectamente afinadas!! Non se dicía que a música de Mozart e transparente como cristal?? O máis claro exemplo, se queredes velo, AQUÍ

Jeff Buckley

2006-09-24T16:41:00.000+02:00

Como pasou con moitas das grandes figuras da música, un accidente de tráfico rematou coa vida (1966-1997) de aquel que para min posuía unha das mellores voces. Invítovos a todos a que o coñezades. Cando teña máis tempo e conexión na miña nova casa, colgarei unha versión que Buckey fai do Lamento de Dido de Purcell, aínda que non o creades.

música para un apartamento

2006-09-24T16:34:00.000+02:00

Ese video do que tanto vos falei, " Música para seis percusionistas e un apartamento", podédelo ver por cortesía de Músicanaescola, que o ten colgado na súa páxina. Só podo dicir que é xenial

Programacion do auditorio de Galicia

2006-09-24T16:30:00.000+02:00

Igual que nos propoñemos iso de ir ao ximnasio cada ano... eu, cando chegan estas datas, tamén me propoño o de ir tódolos xoves ao auditorio. Incluso reservo ese día, esa tarde, a partir das nove dos xoves, libro das miñas actividades "extraescoleares". Non sei se o conseguirei este ano. Para comezar, déixovos aquí a programación

Este pequeno percusionista...

2006-09-10T14:34:00.000+02:00

Patri (A Presi) recomendoume este video, para que o vexades todos. Hai máis videos desta pequena familia, e eu, pregúntome se será pola raza, o sangue, o que comen... para que despois digan que os pequenos só poden co tititá... que opinades vós???
Saúdos.
Ire

LUME!!!!!

2006-06-25T14:52:00.000+02:00

Visita a súa web. Agora, co verán e a festa...
Ver video

György Ligeti Poema sinfónico para 100 metrónomos

2006-06-24T23:53:00.000+02:00

Na páxina de YouTube, neste video.

A noite de San Xoán

2006-06-24T23:39:00.000+02:00

Despois de tantos meses ausente...volto para levarvos a unha sección da páxina de vieiros. Xa sei, se cadra é un pouco, demasiado tarde... o curso está rematado, o día de San Xoán é hoxe, pero polo menos, podedes telo en conta para o ano que ven. Neste enlace atoparedes música relacionada con esta fantástica noite

Ciclo Trad en Pontevedra

2006-03-18T08:17:00.000+01:00

A cidade de Pontevedra e colle por segundo ano a celebración do Ciclo Trad de música folc organizado polo Conservatorio de Música Tradicional e Folque de Lalín. Concertos que se van estender dende o 17 de marzo ata o 6 de abril e no que o gran homenaxado vai ser o acordeón. Un instrumento que segundo relatan dende o propio Conservatorio consiste nunha "máquina de facer soño e inventar mundos posíbeis, porque abriu o fol e expandiuse polo planeta, porque é vagabundo e viaxeiro... porque o acordeón une a tradición europea coa americana". E para dar mostra de todo isto cinco formacións: Marful, Ruso Negro, Tangata, Fernández & Quintá e Danças Ocultas, para tentar superar os 1.200 asistentes do primeiro ano do Ciclo Trad.
O CICLO TRAD é unha viaxe polo amplo abano da música de tradición europea e americana.
A disfrutalo
David

Joan La Barbara

2006-03-05T19:39:00.000+01:00

No Webblog de música que vos presentei noutro momento, e que por certo leo a diario, fan unha ligazón a unha páxina, magazín New Music Box, onde podedes ver uns interesantísimos videos de Joan La Barbara, cantante que explora e investiga as posibilidades da voz, traballando na improvisación de xeito moi creativo. Poderedes ver neste video unha clase maxistral impartida por Joana La Barbara, e tamén leredes(en inglés) a transcripción da entrevista
Ire.

Trópico de grelos

2006-03-04T16:00:00.000+01:00

É unha banda de percusión basada en ritmos afrobrasileiros que procura integrar diferentes tendencias da percusión contemporánea.
Creada apartires da experimentación e a pesquisa, no seu repertorio constrúense pontes que permiten viaxar do Brasileiro ó cubano, do latino ó africano, e de volta ao galego.
A danza e a voz incorpórase lúdicamente, dun xeito natural, como as primeiras manfestacións artísticas da expresión humana.
Nace apartires da práctica pedagóxica de Xurxo Troncoso na súa volta a Galiza. Despois de participar no Carnaval de Salvador da Bahía 2002 onde formou parte do bloco "TÍMBALADA" de Carlinhos Brown, regresa tras 15 anos en Madrid.
Das aulas no Conservatorio de Música Tradicional e Folque de Lalín, das clases particulares e da experiencia de formar parte en grades bandas de percusión xurde a necesidade de realiza-lo seu proxecto, "TRÓPICO DE GRELOS" na súa filosofía está a idea da escola/obradoiro, unha agrupación aberta á incorporación das persoas que teñan o desexo de tocar cara o público.

FESTICULTORES é un grupo de xóvenes, que proveñen do mundo audiovisual e do espectáculo, e da publicidade, que se xuntan co fin de crear unha empresa para o ocio, que busca a frescura e a creatividade en cada evento que organiza.Somos cultivadores de festas, comprobámo-lo terreo. Elixímo-las sementes que mellor se a fin de alcanzar un resultado final de calidade, e, fiel a unha filosofía: facer da nosa horta un espacio de biodiversidade cultural e ambiental para calquera forma de expresión artística.

Xavier Blanco- Instrumentos pobres

2006-02-26T10:48:00.000+01:00

Non sei se coñecedes a Xavier Blanco, pero o seu disco, instrumentos pobres, non ten desperdicio. Ademáis, creo que os temas poden adaptarse moi ben para traballar na aula de música, ben para tocar a frauta, como para facer xogos, danzas... Se queredes escoitar o "malamañado", facede click aquí
Se queredes escoitar o "desafío", facede click aquí
Saúdos. Ire

Presencias de música

2006-02-26T10:40:00.000+01:00

Nesta páxina atoparedes moitos e diversos recursos para a aula de música: ideas, cancións, xogos, foro, historia da música, links a radios do mundo...etc, pasade por alí, está interesante
Saúdos. Ire

Alan Lomax

2006-02-23T21:17:00.000+01:00

Alan Lomax foi unha das figuras individuais más relevantes da música folk dos Estados Unidos,e seu traballo como recompilador de cancións, descubridor de artistas, editor discográfico e productor radiofónico, goza hoxe de grande recoñecemento.

No duro inverno de 1952 chegaba a Galicia unha estraña parella. El era Alan Lomax, un home de arredor de 37 anos, ela Jeanette Bell, a súa axudante, el estadounidense, ela inglesa. Levaban xa desde o mes de xuño percorrendo a Península ibérica armados cuns estraños e voluminosos aparellos electrónicos. Vixiados constantemente pola Garda civil enfrontábanse a malos camiños, hospedábanse en aldeas sen electricidade e sen auga e sufrían o frío. A súa intención non era espiar o réxime franquista. Viñan recoller cancións.

Alan Lomax, nacido en 1915 en Texas comezou de moi novo a súa afección pola música popular. Xa durante os anos trinta acompañou ao seu pai, John Lomax, nas súas viaxes de recolleita de cancións folk americanas para a Biblioteca do Congreso. Pouco despois o mozo Alan Lomax comezou pola súa conta un traballo semellante, percorrendo grande parte de Estados Unidos para gravar todo tipo de manifestacións musicais populares, desde a música que se cantaba nas cadeas ata os cantos de escravos transmitidos de xeración en xeración. No seu afán por difundir este legado, Lomax desenvolveu traballos que ían desde a propia gravación e colleita ata as tarefas de productor, musicólogo e mesmo de locutor radiofónico. Co tempo, as súas viaxes fóronse internacionalizando, nos anos cincuenta ampliou o seu traballo a zonas coma Irlanda, Escocia ou Inglaterra e foi un dos pioneiros na recuperación do folclore musical das Illas Británicas.

Escoitar a España

En 1952 a compañía Columbia infórmao de que para publicar os seus traballos precisarían unha gravación de música española. ?Así que, tragándome a miña aversión por El Caudillo e as súas obras?, sinala Lomax no seu diario, ?apunteime a un congreso sobre folclore na illa de Mallorca coa esperanza de atopar un editor español. O profesor que impartía a conferencia era un refuxiado nazi (...) e estaba a cargo da investigación en música popular no Instituto de Estudios Avanzados [CSIC] [en Barcelona]. Fíxome saber que persoalmente se encargaría de que ningún musicólogo español me
axudase. Tamén me suxeriu que marchase de España". E así comezou o periplo español. Sen axuda oficial, as forzas de seguridade seguían fielmente os pasos do estudioso. "A terrible Garda civil, de sombreiro negro, tíñame nas súas listas -nunca saberei por que nunca me arrestaron-. Pero aparentemente, sempre sabían onde andaba eu?. A pesar das dificultades, sendo unha das maiores o traslado do equipo de gravación, Lomax e Jeanette percorreron Aragón, Asturias, Baleares, Euskadi, Andalucía e, co comezo do inverno, especialmente duro naquel ano, chegaron a Galicia.

Da música á realidade

A viaxe que realizou Lomax por España e por Galicia foi fundamental, segundo Judith Cohen, para o desenvolvemento do sistema musicométrico, co que o musicólogo clasificaba as músicas populares segundo a súa complexidade, a lonxitude dos intervalos musicais, o seu grado de repetición ou a intensidade. Con esta clasificación, Lomax establecía unha categorización das músicas populares e púñaas en relación co desenvolvemento dunha cultura, seguindo os postulados da antropoloxía evolucionista. O sistema de clasificación de Lomax foi seriamente criticado ao estar esta teoría antropolóxica amplamente superada. Sen embargo, para Judith Cohen ?o importante deste sistema é que obrigou aos musicólogos a pensar nestas cousas. Estivesen de acordo ou non, tanto tiña, sen comprobar o sistema tampouco podía saber se estaban de acordo ou non. Hoxe unha das primeiras cousas que aprendes en musicoloxía é este sistema, e tes que probalo e ver se funciona?. A influencia desta viaxe vese, segundo Cohen en detalles coma que ?no diario da súa viaxe Lomax comenta moito, en Galicia concretamente, o contraste entre a pobreza e a fame e o xeito de cantar. E ao mellor iso si o levou a pensar moito na relación entre a vida cotiá e a música dunha cultura?.

Inverno en Galicia

Unha vez no noso país, e logo de contactar co Museo de Pontevedra e outros coñecedores da nosa tradición musical, comezou un periplo que o levaría por once localidades: A Coruña, Corcubión, Fisterra, Pontevedra, Soutoxustre, O Hío, A Cañiza, Ourense, Avión, Ribadavia e Solveira. En todos estes lugares, Lomax rexistrou, coa súa pesada gravadora, todo tipo de manifestacións musicais populares no seu sentido máis amplo. Segundo sinala Judith Cohen, musicóloga canadense que estudiou da obra de Lomax, ?o enfoque era o que el chamaba a `música do pobo´ . Por iso era moi amplo, para nada lles ía dicir, `isto non conta, non ten valor´. Interesáballe sobre todo o tradicional, pero non rexeitaba nada?. Deste xeito, as súas gravacións amósannos pezas especialmente orixinais e recollen nalgúns casos cancións moi coñecidas aínda hoxe. Neste traballo quedaron fóra aspectos fundamentais da nosa tradición musical coma o pandeiro cadrado ou a zanfona.

A importancia

O aspecto máis importante do material recollido por Lomax hai máis de medio século é que se trata da gravación máis antiga da nosa tradición melódica realizada cun criterio musicolóxico. A acelerada desaparición do modo de vida tradicional impediu que se puidesen rexistrar de novo no seu contexto cantos de traballo coma os dos afiadores ou os dos canteiros, recollidos por Lomax. Agás catro temas gravados nas Illas Baleares polo grupo profesional Cuarteto de Coruña, todos os demais temas galegos recolléronse no noso país coa colaboración espontánea da xente. Un caso destacado é o da ?Canción e Canteiros?, en que estes traballadores retomaron a súa tarefa despois da xornada para que o americano os puidese gravar, xa que nunha toma realizada fóra do labor non conseguían enfiar o tema, pensado para cantar mentres se traballaba.

Os discos

O resultado material desta viaxe foi o volume catro da colección World Library of Folk and Primitive Music, que incluía seis temas galegos. Con posterioridade, no ano 2001 vía a luz ?The Spanish Recordings: Galicia?, un álbum realizado coa colaboración de Judith Cohen e do galego Luís Costa, que recollía trinta dos temas gravados durante a viaxe de Lomax en Galicia. Ademais das cancións dos canteiros, afiadores ou arrieiros, o disco recolle panxoliñas, coplas e mesmo un romance en español. Por outra banda, a variedade instrumental vai desde as pandeiretas e as gaitas aos chifres. O disco presentábase hai agora un ano en Ribadavia, recuperando para o noso patrimonio as gravacións desenvolvidas no inverno de hai cincuenta anos. Na portada, cumprindo o desexo que Lomax expresara nunha carta, a foto dun afiador que tamén abre a recompilación e que impresionou gratamente ao americano. Este mesmo ano, Judith Cohen visita de novo o noso país para analizar, no ciclo ?Recompilación de materiais de campo na música tradicional? o sistema de traballo de Lomax. Fixeron falta estes cincuenta anos para que se comezase a recoñecer o traballo deste americano ao que a Garda civil non deixaba tranquilo e que faleceu aínda en xullo do 2002 na súa casa de Florida.

(culturagalega.org)

Este enlace que vos achego, é unha base de datos, un arquivo multimedia, gratuito, só tedes que rexistrarvos. Atoparedes audio, videos, fotografías feitas entre 1946 e 1994.
Por outro lado, tedes aquí unha web sobre Alan Lomax

video mozart

2006-02-19T22:26:00.000+01:00

Xa que estamos no ano Mozart, e como seguro non estades cansos de ver, escoitar, ler...cousas sobre o famoso centenario, decidín empregar este tema para aprender un novo programa de edición...así que vai moi sinxeliño... Emprego como música, o famoso Adagio do concerto para clarinete, espero que vos guste. Se vos serve para algo e queredes velo, fadede click aquí
saúdos. Ire.

2006-02-17T21:02:00.000+01:00

Parece que por fin conseguín poñer un audio no blog, agora só queda ser quen de poñer o reproductor no propio blog, como ten que ser, o que pasa e que eu...vou despacio, despacio, ensaio error...espero que comprendades que nisto son autodidacta, e teño que apoderarme da linguaxe que se utiliza.
Para celebrar este avance,poñerei o que onte vos recomendaba, Segundo Movemento de Aram Kachaturian, así escoitaredes o famoso flexátono ó longo da obra, despois da presentación dos temas a cargo da orquestra e o piano. Para escoitar , fai click aquí
Ire

2006-02-17T21:00:00.000+01:00

Avanzando pouco a pouco...espero que poidades escoitar aquí. Elexín un tema dos discos recomendados

Conservatorianos

2006-02-16T22:15:00.000+01:00

Páxina mexicana, revista de información, divulgación, reflexión e divulgación culturais, onde atoparedes moitos artigos, links...
ire

Flexatone-Flexátono-Flexatón

2006-02-16T15:35:00.000+01:00

Hai máis ou menos dous anos, alguén me agasallou cun precioso CD, de Aram Kachaturian, que contén o seu concerto para piano. Así foi como descubrín un instrumento que dende aquela chamou moitísimo a miña atención. Non sei vós, pero eu non o coñecía ata entonces.Estou falando do flexátono, ou como queira que se chame...

Así que buscando un pouquiño de información sobre este instrumento, atopei o seguinte:

- Unha páxina austríaca (en alemán) na que se describen "outros" instrumentos. As descripcións van unidas a unhas fotografías das que podedes sacar moitas ideas para obradoiros de instrumentos. Aquí atoparedes o flexaton.
- Wikipedia ofrece a posibilidade de escoitalo.
- Na seguinte, atoparedes software, proxectos multimedia , un oco para o flexátono e a seguinte imaxe
- Compositiontoday, é unha páxina moi interesante que contén moitos samples no seu banco de sons de instrumentos, e entre eles o flexatone

- Un pouco máis de información

Aram Khachaturian non é o único compositor que incorpora o flexatone á súa plantilla. Atópase tamén en obras de Arnold Schoenberg : Variacións para Orquestra e na inacabada ópera "Moses und Aron". Berg - "Three Pieces for Orchestra" Henze,
Penderecki, Sofia Gubaidulinas "The Canticle of the Sun"

Pero o que realmente recomendo, é escoitar o segundo movemento do concerto de piano de Aram khachaturian (ás veces omiten a parte de flexatone). Este movemento lento é unha serie de variacións sobre unha canción folklórica urbana de Tblisi, a intervención do flexátono é intencionada, para imitar o son dun instrumento armenio.
ire

Percusión escuela

2006-02-04T14:14:00.000+01:00

Preséntovos aquí unha páxina arxentina bastante completa sobre percusión. Nas diferentes seccións, atopamos sons para descargar, instrumentos,partituras e métodos, percusión a distancia...,
ire

NETLABEL ALG-A

2006-02-03T20:04:00.000+01:00

Netlabel

Denomínase netlabel (tamén online label, web label o MP3 label) ós selos discográficos que distribúen a súa música en formatos dixitais (normalmente MP3 ou OGG) a través da rede.

Un selo online funciona como un selo discográfico tradicional á hora de producir e promocionar proxectos musicais (tales como álbumes ou recopilatorios). A maioría emprega tácticas de "marketing de guerrilla" para promocionar o seu traballo. Poucos selos online dan beneficio aos seus clientes.

A principal diferencia entre os selos online e os tradicionais está na énfase que poñen os primeiros nas descargas gratuitas, todo o contrario ás publicacións en medios físicos (CD, vinilo o DVD). Con frecuencia, a música lánzase con licencias que potencian a compartición, como por exemplo licencias Creative Commons. Os artistas, normalmente, manteñen o copyright.

Historia

O nacemento dos grupos de música online remóntanse a un tempo moi cercano ao auxe dos ordenadores personais, e comparten lazos moi estreitos cos videoxogos e a demoscene. Os primeiros grupos publicaban a súa música en formato MOD, xeralmente como parte dun disco que incluía un reproductor, efectos visuais e diversa información.

Os selos online comezaron a aparecer nos anos 1990, coa aparición e popularización do formato MP3, aínda que a maioría se adicaba a música electrónica ou xéneros similares.

Algúns selos online famosos son:

* Kosmic Free Music Foundation (1991-1999)
* Five Musicians (1995-2000)
* Tokyo Dawn Records (1997-)
* Park Studios (1999-)

(Extraído de Wikipedia)

ALG-A
Alg-a, é un proxecto galego, unha comunidade "subacuática" de arte dixital libre. No Alg-a Netlabel atoparedes as creacións de diversos artistas, podédelas escoitar, descargar... incluso as súas portadas. Ademáis da Alg-a sonora, veredes tamén outras seccións non menos interesantes.
Ire.

Me paro cuando suena

2006-02-01T21:28:00.000+01:00

Este é un blog de "Castpost" onde atoparedes, sobre todo, variedade e calidade. Non vos privedes de coñecelo, creo que merece a pena. Precede a cada unha das entradas, unha breve explicación da audición. Polo de agora, non hai moitos temas, pero promete. desde o clásico, Jazz, pasando polo Country,música tradicional...deixando tamén un lugar para a poesía e o video.

Música e Pintura

2006-01-31T22:08:00.000+01:00

Supoño que as coincidencias sintáctico-estéticas entre estas dúas artes, non son casualidade. A Fundación "Marcelino Botín" presenta un ciclo de dez concertos didácticos que levan o nome de "La relación entre música y pintura, marco del ciclo de conciertos educativos de 2006".
Compositores e pintores souberon aproveitar esta unión en multitude de ocasións ó longo da historia. Este pequeno artigo resume as claves máis importantes sobre as similitudes e discrepancias entre as dáus artes
Analizando esta relación dun xeito máis poético...
Claro que, non é a primeira vez que vemos esta relación nun espacio destinado a arte ou a cultura.
Se queredes achegar aos alumnos á música+pintura, podedes ir aquí
Se queredes ver os instrumentos musicais vistos desde a pintura, aquí tedes un traballo feito por unha profesora(en catalán)...aquí virían de perlas os gaiteiros que atopei días atrás naquel libro da "Danza da morte".
A nosa música tamén foi representada nas obras pictóricas
O simbolismo das miniaturas indias...
En xuño do 2005,máis de 30 músicos españois das últimas dúas décadas expoñen as súas obras de arte nunha estación de tren, na mostra "Los colores de la música"
E se profundizamos máis entre son e cor...
"GAINSBOROUGH Y LA M?SICA"

E así poderiamos seguir ata atopar unha fotografías como éstas: CHEMA MADOZ. entón, voltaremos a comezar, pero antes, tedes moita música que ver e moita pintura que escoitar.
Un saudiño
Ire

Bimusicalismo

2006-01-31T21:40:00.000+01:00

Reflexionen sobre o bilingüismo-bimusicalismo.Enlázovos a un artigo escrito por David Martin Jiménez, que en poucas liñas expón o concepto de bimusicalismo.

Conciertazo

2006-01-30T16:55:00.000+01:00

O día 24 de febreiro, na sala Capitol en Santiago. Concerto de tres grupos funky, e entre eles SUPERSANDWICH. Espérovos ver a todos alí. UN ABRAZO

2006-01-29T14:58:00.000+01:00

Ben sabedes cómo me gustan estas cousas... (en musicanaescola, un anuncio moi didáctico)
ire.

lírica popular infantil

2006-01-29T14:08:00.000+01:00

O curso de Magoia e Pablo foi estupendo! Se tedes a oportunidade de asistir a un curso impartido por eles, recoméndovolo. Actividades moi creativas, musicogramas, moito movemento, xogos... Gustoume especialmente o emprego da lírica popular infantil, adaptada a todo tipo de actividades e como nos cancioneiros non atopamos demasiados exemplos da mesma, déixovos aquí os nomes dalgunhas escolmas que recoñecen a existencia dun rico repertorio para as nosas aulas. "Cando o rei por aquí pasou"
de Palmira G.Boullosa estructúrase en nove apartados nos que atoparedes arrolos, fórmulas de xogo, adiviñas, fórmulas para botar a sortes ou saber quen panda, trabalinguas, cantigas de roda, mentiras, maios e formuliñas para falar cos animais.

"Lerias e enredos para os máis pequenos" de M. Barrio - E. Harguindey,incorpora breves comentarios e orientacións pedagóxicas, e indica as fontes escritas de onde procede cada un deles.

Tamén atoparedes cousiñas interesantes na enciclopedia de xogos populares "Chirlosmirlos" de Antón Cortizas

saúdos. Ire.

Dinámicas de música galega na escola

2006-01-17T23:59:00.000+01:00

Boas blogueir@s. O vindeiro sábado 28 de xaneiro terá lugar no conservatorio de Música Tradicional e Folque de Lalín un monográfico impartido por Paulo Nogueira e Magoia Bodega que ten unhas moi boas trazas.
Poderíamos resumir os contidos do monográfico nos seguintes apartados:

1.- Audición musical activa: diferentes propostas de audición de música galega utilizando como recurso o movemento, a prosodia rítmica, musicogramas, linguaxe musical, cantigas, contos, instrumentacións, etc.

2.- Cantigas: repertorio de cantigas galegas infantís, de oficios, acumulativas, do ciclo anual. Recursos didácticos para a aprendizaxe das mesmas.

3.- Instrumentacións: diferentes propostas de utilización dos instrumentos escolares coa nosa música. Xogos e cantigas con instrumentos.

4.- Instrumentos populares galegos: diferentes propostas para que o alumnado coñeza e recoñeza visual e auditivamente os instrumentos galegos.

5.- Ritmo e movemento: xogos de movemento baseados nos ritmos populares galegos.

Mais información en www.folque.com
Un saúdo

David

Retroklang

2006-01-17T16:36:00.000+01:00

Retroklang é un almacén de enlaces, clasificados por temas: atoparás enlaces a bases de datos e outras coleccións de datos,blogs, foros, revistas e portais, selos discográficos,compositores, midis, mp3,partituras,ópera,lieder, orquestras, solistas, educación, instrumentos...

MENIÑOS CANTORES

2006-01-14T17:59:00.000+01:00

O 25 de novembro proclamouse en París a candidatura de Patrimonio Inmaterial elixida pola Unesco, unha candidatura pola que competía o patrimonio inmaterial galego-portugués e deu como froito, entre outras cousas, o CD Meniños cantores, un traballo abordado por nenos, mozos, profesores, músicos e artistas galegos e portugueses.

Meniños cantores distribúese en tres formatos: libro, CD e DVD; 28 temas musicais, un libro coas letras, os textos, debuxos e fotografías e un DVD con dous documentgais, 17 videoclips e cancións con karaoke. Tres pezas resultado do traballo da Asociación Ponte nas Ondas e da súa contribución á candidatura do galego-portugués como patrimonio inmaterial e un traballo ademais, no que por primeira vez traballaron man con man as escolas de dous países distintos.
( Vieiros, canal lusofonía)
A gravación do Clip
Máis información
Páxina principal da candidatura

João Ricardo de Barros Oliveira

2006-01-13T23:26:00.000+01:00

Hai máis dun ano visitei unha exposición na Coruña...alguén me comentara que por alí andaba un tipo portugués que facía instrumentos aproveitando materiais de desfeito de todo tipo, así que aproveitando que estaba por alí, achegueime a un espacio que está ó lado do museo das ciencias. Alí atopei o escultor, músico, personaxe...que me mostrou a súa obra e que tamén me permitiu interactuar por alí, polo medio dos centos de ferros soldados, os seus instrumentos, esculturas sonoras. Na súa páxina atopamos fotografías que reflexan moi ben o traballo deste artista da performance
Os súas esculturas sonoras son cado menos, curiosas, e para quen queira escoitar e ver...
O mellor de todo, é que João Ricardo de Barros Oliveira, desenvolve tamén unha importante labor didáctica, aproximando ós nenos o os que non son nenos, á experimentación co son.

Danzas históricas II

2006-01-13T22:35:00.000+01:00

Aínda que os midis están moi ben para algunhas cousas, atopar páxinas nas que podemos descargar música en mp3, é de agradecer. Aquí móstrovos algúns enlaces de SCA dance music. Atoparedes moitísimo repetorio do renacemento, clasificado por coleccións como: Arbeu, st.cecilia volumes I e II e moitos máis. Tamén midis. Entre as moitísimas cousas que ofrece esta páxina, tamén poderedes indagar en Renaissance Dance Sources porque hai explicacións das danzas e tamén coreografías do S.XV,XVI,XVII.
Outros enlaces ós que nos leva esta páxina que fai un percorrido histórico da danza a través de diferentes épocas e estilos, ademáis de mostrar multitude de gráficos, videos, bibliografía
sobre o tema...
E se sigo navegando por aquí, isto vaise a converter en algo interminable...precisaredes tempo para velo todo se realmente queredes profundizar...
Por último( o demáis déixovolo para vos), algún link onde veredes ilustracións da época, e por favor...ide a este sitio, hay un gaiteiro moi interesante nunha das ilustracións)

O AUDITORIO DE GALICIA

2006-01-08T18:11:00.000+01:00

Agora que comeza o novo ano, déixovos aquí o enlace da programación anual do auditorio, xa que presenta uns concertos moi apetecibles estas próximas semanas.Ademáis, lembrade que a páxina do auditorio ten reservado un pequeno espacio para a didáctica onde podedes descargar material.

NAXOS

2006-01-08T17:55:00.000+01:00

saberedes que NAXOS é un selo discográfico cun amplo catálogo de música clásica e que ademáis adica boa parte das súas edicións á música contemporánea. Vaia, que son discos que están a moi bo precio e dos que atoparedes un amplo surtido na sección de música do corte inglés. Estaba eu buscando unha obra que non dou atopado por ningures...e así que entrei na páxina oficial de Naxos. Descubrín que dan a oportunidade de escoitar os seus discos a través de internet. Se pagades unha cuota anual de 20 euros podedes escoitalos íntegramente, pero s non, tedes a oportunidade de escoitar un 25% das obras de xeito gratuito. Só tedes que rexistrarvos. Pode ser unha ferramenta moi útil á hora de escoller un disco ou de buscar obras

bancos de sons

2005-12-19T23:31:00.000+01:00

En multitude de ocasións precisamos sons de diferente procedencia para traballar a educación auditiva na aula, e cando menos,para despertar a curiodidade e a interese pola escoita dos sons que nos rodean. Ofrécesenos a oportunidade en internet de contar con bancos de sons que poden ser de moita utilidade para as clases ou para traballos, presentacións, etc...

ESPIDO

2005-12-16T23:43:00.000+01:00

Xa está á venda o novo disco de Guadi Galego e Guillermo Fernández. Eu estou desexando mercalo e sobre todo, escoitalo!!!!
E xa que estamos achegándonos ó Nadal,non desaproveitarei a oportunidade de que escoitedes o "Nadal de Luintra"...